Herba usque ad 20 cm. alta, subacaulis, ubique tenuiter arachnoideo-pubescens. Folia patula, pinnatipartita, ambitu oblanceolato-spathulata, usque ad 20 cm. longa et 5 cm. lata, lobis utrinsecus circiter 3 oblongis denticulatis, lobo terminate oblongo-obovato crasse dentato conspicue trinervo; petioli ad 7 cm. longi, supra plani, 3.5 mm. lati, infra rotundati. Pedunculus simplex, basin versus 1-2-foliatus, usque ad 15 cm. longus, medio circiter 4 mm. crassus, sulcatus, arachnoideus. Capitula magna, circiter 7.5 cm. expansa, alabastro nutantia, demum horizontalia. Involucri bracteae circiter 4-seriatae, series 2 exteriores lineari-lanceolatae, foliaceae, arachnoideae, series 2 interiores late oblongae superne membranaceae, rotundatae, glabrae. Flores radii circiter 25, supra rubri, basin versus atro-purpurei, infra pallidiores, apice minute tridentate. Flores disci alabastro nigri, demum aurantiaci. Achaenia villosa, pappo magno membranaceo coronata.
Home