Herba lignosa, ad 40 cm. alta, parce ramosa, ramis subfastigiatis laxe foliatis teretiusculis fusco-sericeis. Folia trifoliolata; petioli 2-4 mm. longi; foliola internodiis aequilonga vel duplo breviora, elliptica, apiculata aut obtusa, supra mox fere glabra, subtus fusco-sericea et costa prominula, subcoriacea, inter se aequilonga aut terminalia caeteris paullo longiora, circiter 2.5 cm. longa, 0.8-1.2 cm. lata; stipulae binae, arrectae, subulatae, petiolos fere aequantes. Racemi terminales, pauci, recti, 5-7-flori, pedunculis inferne fere nudis bracteae subulatae, pedicellos fere aequantes aut iis breviores; bracteolae nullae vel minutissimae. Flores aurantiaci (fide Mudd), pedicellis ad 8 mm. longis et cum calycibus fulvo-sericeis. Calycis labium inferius circiter 1 cm. longum. Corolla glabra; vexillum brevissime unguiculatum, lamina ampla reflexa fere orbiculari 1.3 x 1.5 cm. diametro; alae oblique late-oblongae, rotundatae, 1 cm. longae, 5-6 mm. latae; ungues brevissimi; carina navicularis, obtusa, basi auriculata, 6 mm. longa, 5 mm. lata. Ovarium hirsutulum, stylo arcuato ovarium fere aequante.
Home