Berkheya canescens Dc.

Frutex erectus ramosus fide collect, cr. 50-150 cm altus. Rami patentes, albidi-vel cinerei-tomentosi, interdum ± glabrescentes, foliati, in partibus vetustioribus denique cortice cano rimoso obtecti. Folia alterna, rigide membranacea, ambitu subrotunda vel elliptica vel lanceolata, in petiolum brevem vel usque ad cr. 15 mm longum angustata vel subsessilia vel sessilia, basi auriculis parvis spinigeris vel spinis solis obsita, petiolo incluso 2-5 cm longa, 5-25(-40) mm lata superioribus sensim minoribus, apice acuta vel subacuta velobtusa, in spinam fulvam 2-7 mm longam excurrentia, margine ± plana, leviter repandi-dentata vel evidenter sinuati-dentata dentibus in cr. 3-5 iugis dispositis cr. 1-5 mm longis in spinas ei in apice similes excurrentibus saepe cum dentibus minoribus vel spinis solis geminatis vel ternatis, in interstitiis interdum spinis minoribus obsita, supra et subtus dense vel tenuiter cinerei-tomentosa vel subglabra vel glabra. Capitula in apicibus ramorum inflorescentiam corymbiformem vel subco-rymbiformem formantia vel rarius solitaria, radiata, ligulis expansis 2-3(-4) cm diam. Involucri squamae patentes, pauciseriatae, ± tomentosae vel subglabraevel glabrae, saepe autem pilis glanduliferis minutissimis sparse obsitae, spinosi-acuminatae, lanceolati-subulatae, 0.5-1.5(-2) mm latae, exteriores margine spinis 2-4 mm longis in 1-3 iugis obsitae, sequentes sensim inermes, mediae 6-10 mm longae, ceterae paulum breviores. Margines alveolarum receptaculi in dentes brevissimos productae. Achaenia cr. 1-2 mm longa, pilis sericeis dense obtecta. Pappi squamae in seriebus pluribus inconspicue distinctis dispositae, cr. 40, lineari-setiformes, cr. 0.1-0.2 mm latae, margine denticulatae, longitudine diversae usque ad cr. 6 mm.