Berkheya coriacea Harv.

Frutex erectus ramosus verisimiliter cr. 30-60 cm altus. Rami usque ad capitula ± aequaliter foliati, albidivel cinerei-tomentosi, in partibus vetustioribus glabrescentes et cortice fusco vel cinereo obtecti. Folia alterna, coriacea, ambitu lanceolata vel obovati-lanceolata vel subelliptica, 2-3(-4) cm longa, 5-15 mm lata supremis sensim minoribus, apice acuta, in spinam 2-4 mm longam atri-fuscam excurrentia, in petiolum brevem angustata, margine subrevoluta vel revoluta, spinosi-dentata dentibus utrinque cr. 2-5 interdum inconspicuis in spinas ei in apice similes excurrentibus, supra glabra vel primum levissime tomentosa, deinde glabrescentia, opaca, subtus albi-vel cinerei-tomentosa. Capitula in apicibus ramorum solitaria, radiata, ligulis expansis 4-5(-6) cm diam. Involucri squamae patentes, pauciseriatae, extus tomentosae (intimis subglabris exceptis), intus glabrae, spinosi-acuminatae, exteriores lineari-lanceolatae, 2-3(-5) mm latae, margine spinis eis in foliis similibus in 2-4 iugis obsitae, sequentes sensim paulum angustiores et denique lineari-subulatae, 1-1.5 mm latae, margine densius et brevius spinosi-ciliatae et denique setulosi-ciliatae, mediae (10-)15-20 mm longae, ceterae breviores. Margines alveolarum receptaculi in dentes breves productae. Achaenia cr. 1.5-2.5 mm longa, pilis sericeis dense obtecta. Pappi squamae subbiseriatae, cr. 10+10, lanceolatae, acutae, denticulatae, 1.5-2 mm longae.