Berkheya echinacea Burtt Davy

Herba perennis erecta, cr. 20-100 cm alta, rhizomate lignoso tuberoso; radices partim tuberosi-incrassatae. Caulis simplex vel in parte superiore ± ramosus, pilis hyalinis glanduliferis sparsis obsitus vel ± glaber, tota longitudine foliatus et alatus. Folia alterna, sessilia, basalia plerumque deficientia, interdum praesentia et ± conferta, obovati-elliptica, basin versus angustata, 3-8(-18) cm longa, 1.5-3(-5) cm lata; folia caulina lineari-oblonga vel anguste lanceolata vel late lanceolata, acuta, 2-12 cm longa, 2-20(-30) mm lata superioribus sensim minoribus, margine subintegerrima vel leviter vel levissime sinuati-dentata vel grosse et evidenter dentata, supra et margine spinis flexilibus usque ad 2-3(-5) mm longis stramineis ± antrorsum curvatis dense obtecta, subtus subglabra, in nervo mediano (interdum in tota facie) pilis hyalinis (glanduliferis?) obtecta vel interdum ceterum leviter araneosi-tomentosa; decurrentia in alas 2-3(-5) mm latas sinuatas ut folia dense spinosas. Capitula in apice caulis simplicis solitaria vel complura in inflorescentiam subcorym-biformem disposita, radiata, ligulis expansis (2.5-)3-4.5(-6) cm diam. Involucri squamae patentes, pilis glanduliferis sparsis obsitae, ceterum ± glabrae, lineares, 0.5-1(-2) mm latae, spinosi-acuminatae, exteriorea et mediae margine spinis eis in foliis similibus 2-3 mm longis geminatis in cr. 4-5 iugis obsitae et ceterum plerumque spinis minoribus ciliatae, interiores sensim minus spinosae et denique inermes, minutissime denticulatae, mediae 12-15(-20) mm longae, ceterae breviores. Margines alveolarum receptaculi in setas paucas cr. 1 mm longas productae. Achaenia cr. 1-2.5 mm longa, pilis sericeis ± densis obtecta. Pappi squamae subbiseriatae, 10+10, obovatae vel oblongae, obtusae, ad apicem irregulariter denticulatae, cr. 1.5 mm longae.