Herba perennis, stolonibus longis lignosis subterraneis praedita; caules e caudice plures, ad lm alti, inferne simplices, superne in paniculam magnam corymbosam ramosi, late alati. Folia omnia caulina, usque ad 180 x 30 mm, oblanceolata vel oblonga, apice subacuto, basi foliorum inferiorum in partem petiolarem attenuata, folia superiora basi lata amplexicauli; folia omnia in alas longas latas spinosas decurrentia, marginibus leviter vel alte in lobos remotos late triangulares incisa, sinubus grosse et irregulariter dentatis, lobis dentibusque aculeis ad 7 mm longis apiculatis et marginibus loborum et sinuum spinulis brevibus tenuibus obsitis, supra glanuloso-puberula pilis aliis longis grossis dispersis etiam induta, pagina inferiore simili pilis longis ad venas restrictis. Capitula c.40 mm trans radios expansos metientia. Involucri bracteae c. 10-13 x 1.5-2 mm, lineari-lanceolatae, spinoso-apiculatae, marginibus omnino spinosis, spinis plerumque ternatis maximis c. 2.5-4 mm longis, dorso glanduloso-puberulae. Flores radii limbo c. 12 mm longo, omnes vivide lutei. Achenia c. 2.5 mm longa, turbinata, glabra. Pappi squamae c. 10, discretae, 0.75 mm longae, apice truncate vel plus minusve rotundato laciniato.
Home