Berkheya maritima J.M.Wood

Herba perennis erecta, fide collect. cr. 1 m alta. Caulis in parte superiore ramosus, pilis hyalinis glanduliferis obtectus et ceterum araneosus vel tomentosus, glabrescens, foliatus et partibus supremis exceptis alatus. Folia alterna, ± coriacea, inferiora et media ambitu late lanceolata vel elliptica, basin versus ± in petiolum angustata, cr. 5-15 cm longa, 2-6 cm lata, spinosi-dentata dentibus triangulatis geminatis vel ternatis in 3-5 iugis dispositis in spinas 2-5 mm longas excurrentibus, in interstitiis spinulis minoribus dense ciliata, supra pilis hyalinis glanduliferis ± dense obtecta, in sicco scabra vel scaberula, ceterum interdum leviter araneosa, glabrescentia, subtus albidi-tomentosa; superiora sensim minora, sessilia, minus dentata et denique integerrima, suprema bracteiformia, ceterum inferioribus similia; omnia (supremis exceptis) decurrentia in alas cr. 1-5 mm latas spinosi-ciliatas. Capitula in inflorescentiam paniculatam vel subcorymbiformem disposita, radiata, ligulis expansis 3.5-5 cm diam. Involucri squamae patentes, extus tomentosae, intus subglabrae vel glabrae, lineari-lanceolatae, 1-2 mm latae, spinosi-acuminatae, margine spinis 1-2 mm longis geminatis in cr. 2-3 iugis dispositis obsitae, ceterum spinulis minoribus dense ciliatae, mediae 10-15 mm longae, ceterae breviores. Margines alveolarum receptaculi in setas stramineas 1-2 mm longas productae. Achaenia cr. 2 mm longa, glabra. Pappi squamae uniseriatae, cr. 10, oblongae, obtusae, apice denticulatae, cr. 0.5-0.8 mm longae, interdum ± in coronam connatae.