Berkheya radyeri Roessler

Herba perennis cr. 40 cm alta, rhizomate lignoso. Caulis erectus, in speciminibus adbuc notis simplex, albi-to-mentosus, distanter foliatus internodiis cr. 3-8 cm longis. Folia alterna, basalia compluribus conferta, ambitu oblongi-obovata, apice rotundata, basin versus sensim in petiolum angustata, petiolo incluso cr. 20-30 cm longa, 3-5 cm lata, pinnatilobata lobis in cr. 8-10 iugis dispositis semiorbicularibus margine spinis 1-3 mm longis obsitis, supra spinulis stramineis cr. 0.5-2 mm longis obtecta, subtus leviter araneosi-tomentosa, glabrescentia; folia caulina complura, infimum basalibus simile, sequentia/sessilia, semiamplexicaulia, oblonga, longitudine decrescentia ad cr. 2 cm, ut basalia lobata et spinosi-ciliata, suprema spinosi-dentata, indumento basalibus similia. Capitulum in apice caulis solitarium, radiatum, ligulis expansis cr. 6 cm diam. Involucri squamae patentes, subglabrae, spinosi-acuminatae, exteriores lineari-lanceolatae, cr. 2 mm latae, margine spinosi-dentatae spinis 2-4 mm longis, in interstitiis spinis minoribus ciliatae, sequentes sensim lineari-subulatae, 1-1.5 mm latae, margine spinosi-ciliatae, interiores sensim inermes, margine minutissime denticulatae, mediae cr. 20 mm longae, ceterae breviores. Margines alveolarum receptaculi in setas stramineas cr. 2 mm longas productae. Achaenia cr. 1.5 mm longa, pilis sericeis brevibus dense obtecta. Pappi squamae subbiseriatae, cr. 10+10, anguste lanceolatae, acuminatae, margine denticulatae, ad apicem saepe incisae, cr.0.5 mm latae, 3.5-4 mm longae.