Berkheya sphaerocephala (Dc.) Roessler

Herba perennis erecta, cr. 40-120 cm alta. Caulis in parte superiore ramosus, pilis hyalinis glanduliferis ± dense vel sparse obtectus et ceterum imprimis superne ± araneosus vel leviter araneosi-tomentosus, foliatus et partibus supremis exceptis alatus. Folia alterna, basalia verisimiliter ± conferta, caulina ihferiora sessilia, ambitu oblonga, cr. 6-15 cm longa, 2-4 cm lata, irregulariter pinnatilobata (vel fere pinnatifida) lobis ambitu semiorbicularibus vel irregularibus sinuati-dentatis dentibus in spinas fulvas 2-5 mm longas excurrentibus, in interstitiis et in sinubus spinis brevioribus dense ciliata, supra spinis usque ad cr. 1.5 mm longis obtecta, subtus pilis glanduliferis partim hyalinis ± dense vel sparse obtecta, ± glabrescentia, ceterum interdum leviter araneosa; sequentia sensim minora, minus lobata et denique subintegerrima, linearia, bracteiformia, omnia caulina (supremis exceptis) decurrentia in alas 3-8 mm latas ut folia spinosi-dentati-lobatas. Capitula in apicibus ramorum in inflorescentiam subpaniculatam vel subcorymbiformem disposita, discoidea, 1.5-2.5 cm diam. Involucri squamae patentes, exteriores extus levissime araneosi-tomentosae et ceterum pilis glanduliferis sparsis obsitae, ceterae subglabrae vel glabrae, lineares, 0.5-1 mm latae, spinosi-acuminatae, exteriores et mediae margine spinis 1-2 mm longis saepe geminatis in 2-3 iugis dispositis et ceterum interdum singulis spinis minoribus obsitae, interiores sensim minus spinosae et denique inermes, brevissime denticulatae, mediae 5-7 mm longae, ceterae breviores. Margines alveolarum receptaculi in setas stramineas 5-10 mm Iongas productae. Achaenia 1.5-2.5 mm longa, glabra. Pappi squamae in cylindrum 0.8-1 mm longum apice irregulariter denticulatum connatae vel partim irregulariter laceratae.