Caulis plus minusve anfractuosus, internodiis 3-7 cm longis. Folia breviter petiolata, trifoliolata; petioli 3-4 mm longi, ut petioluli densiuscule pilosi; petioluli 2-3 mm longi; foliola obovata, apice rotundata, in basin cuneatim angustata vel basi obtusa, 2-4 cm longa, 1.5-2.5 cm lata, nonnulla usque ad 5.5 cm longa, 3.8 cm lata, grossiuscule acute crenato-dentata, supra glabra, subtus nervis crispule pubescentibus. Cymae tribrachiatae, plerumque 5-6 cm diametro; pedunculi 1-2.3 cm longi, ut rhachis pedicellique dense crispule pubescentes; pedicelli 2 mm longi. Flores tetrameri, flavi (Wood). Alabastra 2.5 mm longa, medio constricta. Calyx breviter cupularis, 0.7 mm altus, truncatus, ciliatus, extra parce pilosula. Petala ovato-oblonga, 3 mm longa, basi 1.5-1.6 mm lata, superne cucullata apice inflexa, extra crispule pubescentia. Discus annularis, 0.5 mm altus, in lobos truncatos 0.7 mm longos, basi 1 mm latos apice 0.6 mm latos productus. Filamenta 2.5 mm longa, inferne supra disci lobos incurva, superne leviter recurva. Ovarium minute subappresse pilosum; stylus glaber in alabastro 1 mm longus, ovarium versus valde incrassatus, post anthesin 1.5 mm longus dimidio inferiore tumido superiore gracili; stigmata duo, minuta.
Home