Fruticulosum procumbens ramosum, rami 20-40 cm longi, juventute rubelli compressi demum cinerascentes, internodiis 15-18 mm longis, ramuli axillares dense foliati numerosi. Folia basi ± connata patentia triquetra plerumque superne dilatato-compressa obtusa mucronulata, angulis manifests, 15-22 mm longa, 5-8 mm lata et 5-7 mm crassa, carnosa, mollia, laevissima, laete et nitide viridia impunctata. Flores ex apice ramulorum vel ramorum subsolitarii vel saepius ternati aut triternati, antemeridionales, 15-20 mm diam., breviter pedunculati; pedunculi compressi, 5-12 mm longi, medio bracteati; bracteae foliaceae. Calyx turbinatus 5-lobus, lobi inaequales, duo oppositi foliacei triquetri compressi obtusi mucronati, reliqui breviores obtusi dorso acute mucronati margine membranaceo angusto rubello. Petala calycis lobos longiores paullo superantia, laete rubella vel roseo-violacea, oblineari-lanceolata obtusa, interiora angustiora et breviora sensim staminoidea. Stamina erecta conniventia pallide rosea, staminodiis aucta, filamenta barbata, antherae flavescentes. Ovarium supra conicum stylis 5 lanceolatis papillosis acutis pallidis.
Home