Delosperma monanthemum Lavis

Rami 38 visi, quorum 33 florem singulum apud apicem ferunt, gracillimi pallidi, 7-18 cm. longi, internodiis 4-22 mm. longis, 0.75-1.75 mm. diam.; radix lignosa, ad 5 mm. diam.; partes herbaceae glabrae; folia ascendentia vel patentia, supra linearia, prope apicem leviter angustata vel abrupte acuta, plana vel leviter concava, lateraliter visa obtusa, dorso subrotundo, 1.3-2.4 cm. longa, 1.5-4 mm. lata, ad 3 mm. diam.; flores 2.4-3 cm. diam.; pedunculi saepius 2-3.8 cm. longi; receptaculum subclavatum, 3-4 mm. longum diametroque vel in floribus senioribus ad 5 mm. longum diametroque; sepala 5, exteriora 6-7 mm. longa, basi 2 mm. lata, interiora ad 4 mm. longa, basi 1.5 mm. lata; petala ca. 2-seriata, e parum supra medium inferne angustata, irregulariter emarginata vel 3-denticulata, roseo purpurea, ad 1.3 cm. longa, ad 1.5 mm. lata; staminodia diu erecta, demum apicem versus spiraliter recurva, rosea, stamina excedentia, ad 5 mm. longa; filamenta ca. 3-seriata, conferta, exteriora ciliate parce papillata, intima apud medium vel parum supra longe papillata, antheris pollineque luteis; glandulae obscure crenulatae humiles; ovarium circa marginem planum, lobis abrupte ad per 0.75 mm. elevatis, obtuse compressis; stigmata demum ad 5 mm. longa, anguste subulata, intus conspicue papillata, 5 mm. longa cum cauda 0.75 mm. longa.