Delosperma peersii Lavis

Planta 1 visa, sat rigida, glabra, ca. 24 cm alta; rami ramulique saepius ascendentes, superne suberecti, prope apicem rubri, ad 17.5 cm longi, internodiis 2-10 mm longis, 1.5-5 mm diam., vel ultimi floriferi stricti, 5.5 cm longi, internodiis 4-8 mm longis; folia ascendentia vel fere patentia, supra plana, dorso rotundo, minute mucronata, mucrone leviter recurvo, rubro, 5-14 mm longa, ad 3 mm lata, 2-4 mm diam.; flores 1-3-nati, 2 cm diam.; pedunculi 5-8 mm longi; receptaculum globose obconicum, ad 5 mm longum diametroque, prope medium leviter constrictum; sepala 5, extima obtusa, fere ad 5 mm longa, basi 2 mm lata, interiora acuta vel subacuminata, late marginata, 1.5-2 mm longi, basi ad 1.5 mm lata; petala 1-2-seriata, bene e supra medium inferne angustata, apice rotundo, rosea, prope basim pallida, 9 mm longa, 1 mm lata vel parum ultra; staminodia prope apicem leviter recurva, stamina aequantia; stamina 2-seriata, interiora parum infra medium papillata; glandulae arete approximatae; ovarii lobi erecti, vix compressi, apice rotundo, fere ad 1.5 mm elevati; stigmata 5, anguste subulata, longe attenuata, 2-5 mm longa; capsulae 2, senectissimae visae, infra obconicae, 4-5 mm longae, 5 mm, expansae, 8 mm diam., loculis leviter alatis.