Plantae florentes cultae 5 visae, 2-4.2 cm altae, vel demum ramo ad 8 cm longo producto; radix tuberosa globosa, 3 cm diam., prope apicem tubercula crebra globosa, ad 7 mm diam., radicula fibrosa ornata, ferens; rami primarii ad 6 mm diam.; folia patentia crebra variabilia, lanceolata acuta vel acuminata, aut ovata obtusa vel rarissime oblonga, prope basim apicemque leviter angustata, glabra, minute punctata, sordide viridia, carina ad lineam reducta, 3-6 cm longa, 1-1.7 cm lata; flores sessiles vel brevissime pedunculati, pedunculis hirsutis, 4-5 cm diam.; receptaculum obconicum, parce hispidum, setis patentibus, 7 mm longum, 12 mm diam., prope basim apicemque leviter angustata; sepala 7, acuta vel obtusa, punctata, extima 8-10 mm longa, basi 3-4 mm lata, interiora marginata, 5-6 mm longa, basi 3-4 mm lata; petala 3-seriata, e supra medium inferne angustata, subobtusa vel emarginata, rosea, exteriora inferne saturation vittata, ad 2.2 cm longa, ad 2 mm lata; staminodia inferne ad stamina adpressa eaque bene excedentia, superne valde recurva; filamenta seriata, ad 7 mm longa, intima prope medium papillata, antheris pollineque pallidis; glandulae 5-7, conspicuae approximatae crenulatae; ovarii lobi stellate patentes, glandulas attingentes, obtuse compressi, ad 1-5 elevati; stigmata 5-7, subulata, ad apicem dense papillata; capsula infra semiglobosa hispida, 3-5 mm longa, 7 mm, expansa, 15 mm, diam., supra per 5 mm elevata, suturis erectis, valde compressis.
Home