Planta 1 visa, culta erecta glabra, 10 cm. alta; radix incrassata; partes herbaceae minute papillatae, papillis rotundatis, vix nitentibus, virides; folia ascendentia, supra visa e medio superne angustata, acuta, leviter concava vel demum plana, dorso rotundata, lat. visa superne angustata, acuta, 2.5-3.4 cm. longa cum vagina 1-2 mm. longa, medio 3-4 mm. lata diametroque; flores solitarii ebracteati meridiani, 3-4 cm. diam.; pedunculi superne ampliati, in receptaculum subclavatum, prope apicem leviter constrictum, deinde ampliatum, 4-5 mm. longum, 4-6 mm. diam., gradatim transeuntes, 6-10 mm., vel demum ad 16 mm., longi; sepala 5 vel rarissime 6, exteriora fere e basi complanato superne angustata foliiformiaque, acuta vel acuminata, 8-10 mm. longa, basi 2-3 mm. lata, interiora ample marginata, 5-8 mm. longa, 2 intima apice subulata, subula patente; petala roseo purpurea, exteriora 2-3-scriata, parum inaequilonga, saepius inferne leviter angustata, obtusa vel saepius subtruncata obscureque emarginata, 1.1-1.7 cm. longa, apice 1-1.5 mm., vel rare ad 2 mm., lata, interiora breviora pauca, intima acuta, e medio recurva, in staminodia transeuntia; staminodia petaloidea, inferne ad stamina appressa saturateque rosea, superne valde recurva pallidaque, extima stamina bene excedentia, intima ea aequantia; filamenta 5-6-seriata, exteriora inferne rosea, ad 5 mm. longa, intima prope medium dense papillata, pallida, antheris pollineque albidis; glandulae humiles subdistantes; ovarii lobi fere e glandulis erecti, subsemiglobosi, ad 0.75 mm. elevati.
Home