Rami primarii 8 visi, ad 25 cm longi, 2-4 mm diam., copiose ramulosi, internodiis pallidis vel albis, 1-5.7 cm longis; ramuli floriferi ad 17 cm longi, ad 3 mm diam.; folia ascendentia vel patentia vel recurva, supra linearia concava, prope apicem angustata, obtusa, dorso rotundo, 2.5-4 cm longa, ad 3 mm diam.; cymae breves 2-ternatae, vel irregulariter ca. 5-6-ternatae, 9 cm longae, ca. 5 cm diam.; pedunculi saepius 0.5-1.5 cm longi; receptaculum fere semiglobosum, 3 mm longum, 5 mm diam.; sepala 5, variabilia, subaequilonga, 2-3 mm longa, basi 1.5 mm lata, vel 4-8 mm longa, basi 1.25-4 mm lata, saepius obtusa; corolla 9-11 mm diam.; petala ca. 2-3-seriata, alba, 4-5 mm longa, ca. 0.5 mm lata; staminodia nulla; filamenta 3-seriata, 1.5-2.5 mm longa, antheris pollineque luteis; glandulae distantes conspicuae, atre virides; ovarii lobi stellate patentes, glandulas fere attingentes, obtuse compressi, ca. ad 0.75 mm elevati; stigmata 5, 1.5 mm longa cum cauda dimidium aequante; capsula infra obconica, 2.5-3 mm longa, 2.5 mm, expansa, 5-6 mm, diam., supra ca. ad 1 mm elevata, suturis compressis.
Home