Planta 1 visa, per 3 menses culta, humilis glabra gracilis, diffuse ramosa, partes herbaceae virides, nitente papillosae; rami primarii decumbentes, ad 25 cm longi, internodiis 1-4.5 cm longis, saepius ad 1.5 mm diam.: folia ascendentia vel erecta apicemque versus recurva, supra visa linearia, prope apicem leviter angustata, acuta vel subobtusa, dorso convexa, lat. visa obtusa, fere 1-3 cm, culta ad 5 cm, longa, medio 2-4 mm lata diametroque, vagina in novellis 1.5 mm longa; flores diurni, 2.7-3 cm diam.; pedunculi saepe ad 1.5 cm longi; receptaculum obconicum, 2-3 mm longum, ad 4 mm diam.; sepala 5, valde inaequilonga, acuminata, 2 exteriora 8-9 mm, vel in flore altero ad 10 mm, 3 interiora 4-5 mm longa, basi 1.5-2 mm lata; petala 2-3-seriata, parum inaequilonga, sat laxa, inferne leviter angustata, saepissime acuta, roseopurpurea, 1-1.3 cm longa, 0.75-1.25 mm lata; staminodia stamina conice conferta bene excedentia, exteriora late recurva, cum filamentis inferne rosea, superne alba; filamenta ad 3 mm longa, interiora supra medium papillata, antheris pollineque albis; glandulae subdistantes crenulatae; ovarium concavum, medium versus sat abrupte elevatum ad 0.75 mm, lobis obtuse compressis; stigmata 5, anguste subulata, ad 3 mm longa cum cauda 0.75 mm; capsula non visa.
Home