Frutex ad 1-5 m alta, ramulis pubescentibus. Folia plerumque 3-nata interdum 4-nata, patentia, aggregata, plerumque 2.5-5 x 0.5-0.75 mm, linearia, obtusa, supra plana, subtus convexa sulcata, marginibus glandulis parvis caducis praedita; petiolus c.0.75-1 mm longus. Flores in glomerulos parvos plerumque trifloros in ramulis terminales dispositi, ramulis in pseudospicas oblongas aggregatis; pedicelli usque ad 1.5 mm longi, puberuli, bractea varie (interdum proxime sub calyce) posita, bracteolis absentibus. Calyx fere ad basin divisus, lobis plerumque 4 interdum uno redacto vel raro 3 tantum quarto ut videtur bractea valde approximata sepalina substitute c. 1 x 1 mm rhomboideis, marginibus glandulosis. Corolla c. 1.5 x 1.25 mm, cyathiformis, alba mox brunnescens, glabra, lobis 0.75 x 1 mm deltoideis erectis vel apicibus paulo recurvatis. Stamina 8, filamentis c. 0.5 mm longis filiformibus fere rectis; antherae inter se lateraliter cohaerentes, inclusae sed demum capsula maturescente extrusae, thecis 0.5 mm longis, poro dimidio thecae aequali, basi rotundata mutica. Ovarium c. 0.75 mm longum, glabrum. Stylus c. 0.5 mm longus; stigma maximum c. 0.75-1 mm diam., peltatum vel cyathiforme, intense roseum, capsula maturescente demum valde exsertum.
Home