Erica caespitosa Hilliard & B.L.Burtt

Fruticulus; caules primarii saepe caespitosi, plerumque 15-45 cm alti, bene ramosi, ramulis pubescentibus. Folia plerumque ternata, interdum plus minusve dispersa, congesta, erecta vel longiora paulo patentia, 1.5-3 x 0.5 mm, linearia subacuta, supra plana, subtus convexa sulcata, marginibus acute angulatis ciliatis cetera glabra; petiolus usque ad 0.5 mm longus. Flores in glomerulos parvos saepe trifloros terminales dispositi; pedicellus c. 1-2 mm longus, puberulus; bractea aut absens aut sepalis similis proxime sub calyce posita; bracteolae absentes. Calyx ultra medium divisus; lobi plerumque 4, interdum unus redactus vel absens, c. 1 x 1 mm, rhomboidei, marginibus plus minusve ciliatis. Corolla 1.5 x 1.5 mm, cyathiformis, viridula vel albida mox brunnescens, glabra, lobis 0.75 x 1 mm deltoideis paulo incurvis. Stamina 8; filamenta c. 0.5 mm longa, filiformia, fere recta; antherae inclusae, inter se leviter lateraliter cohaerentes, c. 0.75 mm longae, basi rotundata mutica poro circiter dimidium thecae aequante. Ovarium c.0.75 mm longum, glabrum; stylus 0.25-0.5 mm longus, tantum post ovarium auctum exsertus; stigma maximum, c. 0.75 mm diam., peltatum vel cyathiforme.