Frutex erectus, 20-25 cm (?) altus; rami paralleles, glaberrimi. Folia terna, 1.5-2.5 mm longa, glabra, acutiuscula, erecta, arcte appressa, apice leviter incurva. Flores terni vel pluries terni, imprimis ex extremis ramis orientes. Pedicelli ca. 2 mm longi, tenues, glabri. Bracteae angustae, longae, forma et magnitudine calycis segmentis similes, eisque arcte appressae. Calycis segmenta linearia, aliquantum incurva, dimidia corolla paulo breviora. Corolla ca. 2.5-3 mm longa, 1.5 mm lata, basi attenuata, sursum sensim ampliata, infra marginem deinde iterum constricta, lobis incurvis. Stamina inclusa; filamenta quam thecae paulo longiora; thecae non appendiculatae; apertura apicalis, quartam vel quintam partem longitudinis thecae aequans. Stylus inclusus; stigma vix incrassatum. Germen glabrum.
Home