Epapulosum glaberrimum, caule multo abbreviato, ramis ramulisque dense confertis, reliquis induratis foliorum vetustiorum onustis, ramulis ultimis 4-6-foliatis; folia densa adscendentia connata, vagina circa 0.2 cm longa, turgide triquetra, supra plana, acuta glauco-viridia, saturate viridi-punctata, ad 2.5 cm longa, medio 0.6 cm lata diametroque; flores solitarii 6-meri, ad 4 cm diam., pedunculis ad 1 cm longis, ultra folia haud exsertis; calyx turbinatus, segmentis inter se inaequalibus oblongo-lanceolatis acuminatis, 0.7-1.2 cm longis, 4 membranaceo-marginatis; petala multi-seriata alba, demum apicem versus discolorata, linearia acuta, 0.5-1.8 cm longa, ad 0.15 cm lata; staminodia staminaque subdiffusa, filamentis ebarbatis albis, 0.3-0.6 cm longis, antheris albidis, polline aureo; discus annularis crenulatus; ovarium supra convexum, stylis anguste subulatis, longissime setaceo-acuminatis, aurantiacis, 0.8 cm longis, ultra stamina exsertis.
Home