Caules plures, e rhizomate repente ascendentes vel erecti, uti tota planta densissime argyreo-tomentosi, 10-15 cm. alti. Folia 3-foliolata, internodiis longiora; petiolus 4-10 mm. longus; foliola obovato-oblonga vel oblanceolato-oblonga, subapiculata, ad 3 cm. longa, 0.3-0.8 cm. lata, nervo mediano subtus crassiusculo; stipulae foliaceae, lanceolatae vel elliptico-lanceolatae, acutae, 0.8-1.3 cm. longae. Flores solitarii, folio oppositi, brevissime (2 mm.) pedicellati. Calyx ultra medium 5-fidus, segmentis subaequalibus lanceolatis acute acuminatis, 11-12 mm. longus, demum paulo auctus. Corolla calyce subbrevior, glabra; vexillum ellipticum, acutum, basi in unguem quam lamina dimidio breviorem latiusculum contractum, 10 mm. longum; alae oblique ellipticae, apiculatae, unguiculatae, vix auriculatae, 8 mm. longae; carina oblique elliptico-oblonga, subobtusa, anguste unguiculata, 6 mm. longa. Ovarium tomentosum. Stylus uncinato-incurvatus. Legumen lanceolato-oblongum, ad 2 cm. longum, 0.4-0.5 cm. latum. Semina circiter 12, funiculis longis, 1.5 mm. diametro.
Home