Planta 1 visa, herbacea glabra, minute nitente papillosa, laxe ramosa; rami primarii decumbentes teretes, saepe subflexuosi, ad 39 cm. longi, nodis interdum leviter constrictis, internodiis 1.5-4.5 cm. longis, 3-5 mm. diam.; folia opposita, ascendentia vel patentia, lanceolata vel anguste lanceolata, basim versus subpetiolata, obtusa vel subacuta, supra leviter canaliculata, obtuse carinata, viridia, fere ad 3.2 cm. longa, 6 mm. lata, culta per 3 menses ad 5.5 cm. longa, ad 1.2 cm. lata; flores solitarii vel rarius 3-nati tumque ramum terminantes, diurni, sessiles vel pedunculis 3-5 mm., fructiferis ad 7 mm., longis; receptaculum subclavatum, 4-5 mm. longum, ad 5 mm. diam.; sepala 2 exteriora superne leviter angustata, obtusa convexa, 5-6 mm., vel in flore majore ad 10 mm., longa, basi ad 4 mm. lata, 2 interiora e infra medium subulata, subula patente, 4-5 mm., vel ad 7 mm., longa, basi 1.5-2 mm. lata, omnia in fructu immaturo accrescentia; petala basi brevissime, vel vix ad 1 mm., coalita, 6-seriata, seriebus 3 exterioribus obtusa vel acuta, rosea, ad 9 mm. longa, ad 1 mm. lata, seriebus 3 interioribus pallidioribus, acuta vel acuminata, intima serie stamina circumdata eaque excedens, sed nulla staminodia antheras abortivas ferentia visa; filamenta alba, ad 3 mm. longa, antheris pollineque albis; nectarium non observatum; ovarii lobi levissime compressi, ca. 0.5 mm. elevati; stigmata gracilia, superne angustata, pallida, ad 2 mm. longa; capsula infra clavata, 4-angulata, inter angulos costata, 6 mm. longa, supra per 3 mm. elevata, suturis compressis, expansa ad 1.2 cm. diam., valvis 4 mm. longis, basi 4 mm. latis; semina eis A. cordifoliae simillima.
Home