Mesembryanthemum ligneum (L.Bolus) Klak

Caulis sat incrassatus vel subtuberosus, 8 mm diam.; rami patentes vel decumbentes, dormientes quasi mortui, lignei subangulatique, religuis foliorum brevissimis induratis onusti, ad 4 mm diam., deinde prope basin 3-4 gemmis axillaribus in ramulos floriferos, saepe 7 cm longos, evolutis; partes herbaceae glauco-virides papillatae, papillis rotundatis vel ovalibus; folia adscendentia opposita semiteretia vel demum subteretia, obtusa vel abrupte acuta, saepius ad 1.7 cm longa, 2-3 mm diam.; flores diurni, saepius 1-2-nati, ramulos terminantes, 2.5 cm diam., sessiles vel pedunculi rarius ad 6 mm longi; receptaculum semi-globosum, cum aetate subglobosum, 6 mm longum, apice 9 mm diam., in tubum 1 mm longum productum, conspicue papillatum; petala 3-seriata densa, obtusa, straminea vel in alabastro luteo, externe saepe salmoneo-suffusa, ad 1.3 cm longa, 1 mm lata vel parum ultra; stamina ad 8 mm longa; foveolae profundae; ovarium inferum, supra ad 1.5 mm elevatum, angulis superne conspicuis; stigmata subulata acuminata aurea, 2.5 mm longa.