Planta 1 visa, glabra erecta, inter rigidissimas in genere notatas, ca. 30 cm alta; radix lignosa, 8 mm diam.; caulis 9 mm diam.; rami primarii stricti pallidi, prope apicem glauce virides, ca. ad 27 cm longi; partes herbaceae pallide glauce virides, papillatae, papillis rotundis, vix nitentibus; folia primaria alterna, mox marcescentia, basi tantum persistente, semiteretia obtusa, 2.7-3.8 cm longa, ad 2.5 mm lata diametroque, axillis saepe gemmiferis, ramulis noveflis 4 mm longis, ad 6-foliatis, foliis ad 2 cm longis; flores 2-5, laxe dispositi, ramos primarios terminantes; pedunculi in receptaculum gradatim transeuntes, 15 mm longi; calycis tubus ca. 1.5 mm longus, segmentis 5, e prope medium longe attenuatis, interioribus late marginatis, interdum exteriora leviter excedentibus; corolla ad 1.7 cm longa, tubo ca. 1 mm longo, segmentis ca. 4-seriatis, inter angustissima in genere visis, saepius apicem versus angustatis, acutis vel rarius obtusis, inferne albis, superne pulchre roseis, 1-1.6 cm longis, 0.25-0.75 mm latis; staminodia nulla; filamenta ca. 6-seriata, alba, ad 7 mm longa, antheris pollineque albidis; ovarium ad 1.5 mm elevatum; stigmata 5, gracillima alba, 6-7 mm longa.
Home