Planta unica integra visa, copiose ramosa, senecta itaque sine foliis primariis aggregatis; radix ad 1.5 cm diam.; rami plures cum ramulis lateralibus secunde evolutis ad 1.35 met elongati, 6-10 mm diam., parte inferiore reptante, reliquiis foliorum onusta, parte florifera ad 24 cm longa; folia ascendentia vel patentia, opposita vel in parte florifera alterna ovataque, aliter matura oblonga vel ovalia, apice saepe rotundata, ad 5 cm longa et 2.7 cm lata, saepius 3-4 cm longa, 2-2.3 cm lata; flores in camera tepida per diem noctemque expansi, post dies plures ad 4 cm diam. accrescentes; receptaculum sub-clavatum, saepe 1 cm longum cum tubo 2 mm, ad 9 mm diam.; sepala 5, exteriora 3 plana, ad 1.5 cm longa, basi ad 1.3 cm lata, interiora apice subulata membranaceo marginata, 1-1.1 cm longa, basi 4 mm lata; petala 3-4 seriata, acuta vel acuminata, rarius obtusa, alba, basi per 1 mm coalita sed tamen manu facillime separata, ad 2 cm longa, 0.25-1 mm lata; stamina mox late patentia, a corolla fere libera, 0.4-1 cm longa; ovarium per 2 mm elevatum; stigmata 5, gracilia, 5-7 mm longa.
Home