Frutex omni parte glaberrimus, ramis oppositis, exilibus, tornatis, foliosis senescendoque asperulis. Folia ovato-v. oblongo-lanceolata, brevissime et obtuse acuminata, basi nonnihil cuneata, 4-5 cm longa, 15-25 mm lata, obsolete et obtusissime crenata v. subintegerrima, plana et utrinque exiliter venosa, petiolo vix semicentimetrum excedente donantur; stipulis minimis, scariosis, erectis, triangulari-acutis et vix integris. Anthemia solitarie axillaria, 2-3 cm longa et erecto-patula, singula struuntur pedunculo gracillimo nudo et in apice 4-5-plici vice dichotomo, brachiis brevissimis et divaricatis; bracteis bracteolisque minimis, squamuliformibus, obtusis vel acutatis et patentissimis. Flores minimi, brevissime pedicellati et undique glaberrimi. Sepala 5 late triangularia, acutiuscula. Petala totidem duplo longiora, late elliptica et utrinque obtusissima. Disci annulus mediocris. Stamina 3 (duo ut plurimum petalis alterna, tertium sepalo antepositum), sepalis longitudine vix aequalia; filamentis late membranaceis; antheris de more transversim apertis tuncque poculiformibus. Ovarium 3-loculare stylo brevissimo coronatur.
Home