Suffrutex erectus parce ramosus; ramis striatis puberulis usque foliatis. Planta omnis, praeter partem superiorem vexilli, alas, carinam, androecium et gynoeceum, resinosa punctata; foliis unijugis stipellatis; stippelis filiformibus puberutlis; petiolis puberulis tenuibus striatis teretis; foliolis inter se aequantibus breviter petiolatis rotundale rhombeis acutis, junioribus puberulis glabrascentibus. Stipellae lineares ad apicem attenuatae subulatae acutae. Inflorescentia racemosa axillaris, folia superans pluriflora. Pedunculo axillari tenui puberulo striato. Bracteis parvis linearibus deciduis puberulis. Flores breviter pedicellalt, mediocres, lutei. Pedicellis brevibus puberulis. Calyx fere ud basim 5-partitus puberulus (solum extra resinosus punctatus). Lobis subaequalibus (duobus inferioribus paullo longioribus quam ceteris) angustatis acutis. Vexillum obovatum rotundatum unguiculatum supra unguem auriculatum. Alae obovato-oblongae ad apicem rotundatae, unguiculatae, in altera parte auriculatae, in altera leviter ampliatae: carina obtusa apice rotundata utrinque saccata. Staminibus diadelphis 9, 1. Stamine discreto filiformi gibboso prope basem; thecae reniformes. Ovarium puberulum ± ovatum; ovula bina. Stylo prope apicem geniculato. Stigma capitatum.
Home