Ruschia mariae L.Bolus

Caespitosa glabra, cum floribus ad 3 cm alta; rami primarii 4-5 mm diam.; ramuli floriferi 2-4-foliati, internodiis invisis; folia supra plana vel leviter convexa, rigide breviterque apiculata, carina apice acuta, rigide 1-denticulata, inferne saepe ad lineam reducta, lat. visa superne haud angustata, apice obliqua, marginibus integris vel rarius obscure 1-2-denticulatis, levia politaque, glauca, subroseo suffusa, 6-9 mm longa cum vagina ad 3 mm, apice vaginae ad 4 mm, medio 2.5 mm, lata diametroque; bracteae foliis simillimae, 6-7 mm longae; pedunculi culti ad 6 mm, feri indurati 4-5 mm, longi; receptaculum turbinatum 2-3 mm longum, ad 4 mm diam.; sepala 5, subaequilonga, apiculata, exteriora carinata 1-denticulata, omnia marginata, 3.5-4 mm longa, basi 1.5-2.25 mm lata; petala 3-seriata, sat laxa, obtusa, e parum infra apicem inferne angustata, purpureo rosea, 4-7 mm longa, ad 1 mm lata; staminodia apicem versus recurva pallidaque, basi parce papillata, stamina conice conferta parum superantia; filamenta rosea, ad 3.5 mm longa, exteriora ciliate papillata, interiora incumbentia, parum supra basin dense papillata, antheris pollineque aureis; discus quasi e glandulis 5 crenulatis coalitis compositus; ovarii lobi compressi, per 0.75 mm elevati, stellatim dispositi, discum attingentes; stigmata 5, gracilia, superne angustata, demum ad 3.5 mm longa, papillis inconspicuis.