Erectum, diffuse ramosum; rami virgati angulati hispidi, ad 33 cm. longi, ad 3 mm. diam., internodiis 1-3.5 cm. longis; partes herbaceae crebre minuteque papillatae, papillis in setam brevissimam abeuntibus, apicalibus foliorum erectis, pallide brunneis longioribusque, ‘barbam’ obscuram formantibus; folia fere erecta, stricta vel superne leviter recurva, carinata, lat. visa apice sat abrupte angustata, glauce viridia, 1.5-2.5 cm. longa, 2-3 mm. lata diametroque, vagina 1-2 mm. longa; flores 1-3-nati, diurni, saepius 2.5-3 cm., rarius ad 3.5 cm. diam.; pedunculi 3-4 mm. longi, gradatim in receptaculum subclavatum vel obconicum, apice abrupte dilatatum, demumque 5-gibbosum, transeuntes; sepala 5, inaequilonga, 5-8 mm. vel 6-9 mm. longa, interiora 3 late marginata; petala 3-seriata alba, exteriora obtusa vel emarginata, infeme angustata, 1-1.5 cm. longa, ad 2.25 mm. lata, interiora acuta, ad 0.75 mm. lata; staminodia alba, staminibus conice confertis adpressa eaque bene excedentia, exteriora recurva acuminata; filamenta alba, ad 5 mm. longa, intima prope medium longe papillata, antheris pollineque aureis; glandulae contiguae vel subcontiguae conspicuae, basi fossiferae; ovarium abrupte ad 1.5 mm. elevatum, lobis obtusis vel rotundatis; stigmata 5, subulata, breviter papillata caudataque, fere ad 3 mm. longa; capsula clavata costata, 0.7-1 cm. longa, 7-8 mm., expansa ad 1.2 cm. diam., alis tegentibus sat bene evolutis sed tamen haud vero contiguis itaque loculi subaperti, tuberculo obscuro onusti; semina late obovata, levia, pallide brunnea, 0.75 mm. longa.
Home