Vangueria triflora (Robyns) Lantz

Arbor parva, secundum collectores ±5 m. alta, multo sed breviter divaricate ramosa; rami ramulique oppositi, cylindracei, cortice cinereo interdum subdeciduo obtecti, glabri; ramuli novelli breves, oppositi, divaricati, teretes, internodiis brevibus vel usque ad 6-8 mm. attingentibus, dense cinereo-tomentelli. Stipulae subherbaceae, brevissime vaginato-connatae, subito 0.5-2 m. longe filiformi-subulatae, omnino cinereo-tomentellae, vix scariosae et demum deciduae. Folia ad nodos ramorum hornotinorum opposita, mox decidua, breviter petiolata, petiolo 1-1.5 mm. attingente et griseo-tomentello; laminae rigide herbaceae, anguste ellipticae, basi breviter attenuatae, apice plus minusve late obtusae, statu sicco marginibus saepe recurvatis, 1-1.7 cm. longae et 0.5-0.8 cm. latae, utrinque tomentellae sed leviter discolores, pagina superiore leviter glaucescentes at pagina inferiore cinerascentes, costa media pagina inferiore distincte prominente, costis secundariis inconspicuis. Cymae as nodos ramorum annotinorum plerumque defoliatorum insertae, plerumque oppositae, divaricatae, simplices, typice triflorae sed saepe abortu biflorae vel etiam uniflorae, bracteolatae, omnino cinereo-tomentellae, in toto 1.5-1.8 cm. attingentes, distincte pedunculatae, pedunculo crassiusculo et 3.5 mm. longa. Flores mediocres, 3.5 mm. longe pedicellati; alabastra oblonga, distincte apiculata, circa 6-7 mm. longa et dense pubescentia; calycis lobi sub anthesin plus minusve patententes, anguste elliptici, apice obtusi, 6 mm. longi, utrinque tomentelli; corollae tubus cylindricus, ±2.5 mm. longus, extus dense pubescens, intus medio annulo pilorum reflexorum instructus, lobi lanceolati, appiculati, ±4 mm. longi quorum 1.5 mm. pro apiculis, extus breviter pubescentes et intus carnosuli; antherae subsessiles, lanceolatae, breviter apiculatae, 1.25 mm. attingentes; stylus gracilis, e basi sensim attenuatus, ±4.5 mm. altus; stigma cylindricum, apice distincte 5-lobatum, irregulariter costatum, ±1 mm. longum; discus annularis, glaber; ovarium hemisphericum, ±1 mm. altum, tomentellum et 5-loculare. Fructus pedicello elongato suffultus, globosus, apice calycis lobis auctis coronatus, ±6 mm. diametro (an maturus?), sicco nigricans, sparse puberulus, 5-pyrenus.