Cormus ignotus. Caulis hypogaeus 3-5 cm longus. Folia rosulata herbacea firmula ovato-lanceolata apice acuta vel acuminata, basi rotundato-obtusa, utrinque glabra, margine sparse ciliolata, usque ad 1 dm longa, 2.5-3.5 cm lata. Bracteae albae apicem versus viridescentes ovatae acuminatae quam folia exteriora breviores, 4-6 cm longae. Corymbus pauciflorus. Flores breviter pedicellati; tepalorum lamina ovata acuta basi auriculata concava, unguis lineari-oblongus, 8 mm metiens quam lamina circ. duplo longior; staminum filamenta tenuia basi paullum incrassata, 4 mm longa, antherae breviter exsertae oblongae obtusae, circ. dimidium filamentorum aequantes; ovarium oblongum 6 mm longum stilis 3 tenuibus aequilongis 5-6 mm longis coronatum.
Home