Drosanthemum papillatum L.Bolus

Erectum, laxe ramosum, 30 cm. altum; rami graciles, saepissime ad 1 mm., vel senecti ad 2 mm. diam., asperi in modo Drosanthemi, brunnei, internodiis 1.5-4 cm. longis; folia diu fere erecta, dorso rotundata, supra plana, lat. visa superne leviter angustata, sat conspicue papillata, 5-12 mm. longa, 1-2.5 mm. diam.; flores solitarii; pedunculi supra folia suprema 2-7 mm. longi; receptaculum pyriforme, interdum prope medium sat abrupte constrictum, nitente papillatum, 6-8 mm. longum, ad 7 mm. diam.; sepala 5, valde inaequilonga, angusta, 4-8 mm. longa, 3 marginata; petala ca. 6-seriata copiosa, exteriora autem laxa saepiusque obtusa, interiora saepe emarginata, infeme vix attenuata, omnia parce pubescentia, exteriora dimidio inferiore tantum, rosea, 0.5-1.6 cm. longa, exteriora ad 1 mm. lata, intima filamentosa; staminodia ad stamina conice collecta adpressa eaque excedentia, apice valde recurva, inferne saturate rosea; filamenta pallida, 2-6 mm. longa, intima prope basin papillata, exteriora parce ciliate papillata; glandulae 5, sat distantes, crenulatae, altitudinem receptaculi non excedentes; ovarium circa marginem concavum, deinde sat abrupte ad 0.75 mm. elevatum, lobis inconspicuis, leviter compressis; stigmata 5, subulata, 1.75 mm. longa; capsula unica senecta tantum visa, omnino generis, obconica, 7 mm. longa, 6 mm., expansa 1 cm., diam., supra per 2 mm. elevata.