Plants perennis rosulata. Folia rosularia omnia humo dense appressa, cuneiformia, apice obtusa rotundata, 1.6-2 cm longa, 5-6 mm lata. Stipites tentaculorum partis mediae folii apicem versus leviter rubelli, basin vitrei, albidi, teretes; globuli tentaculorum atrorubri ad nigricantes. Pagina inferior foliorum pilis albidis ca. 0.8-1 mm longis obsita parte basali glabra vel subglabra excepta. Stipulae pergamaceae hyalinae basi connatae in lobos 3 cuneiformes partitae; lobi laterales lobo mediano distincte angustiores et longiores; lobus medianus apice iterum in lobos 2-4 brevissimos partitus. Scapus erectus basi non vel leviter tantum curvatus, 13-21 cm longus, basi rubellus sparsim albidi-pilosus, in parte superiore viridis tentaculis crebris brevistipitatis obsitus. Racemus 2-7 (-15)-florus floribus 0.8-1.3 cm distantibus. Sepala 5, obovata, apice obtusa rotundata, leviter rubella, 3-3.5 mm longa, 1.5-2 mm lata, subtus tentaculis crebris brevistipitatis obsita. Petala 5, rosacea vel subviolacea, obovata, apice obtusa rotundata, integra, ca. 8 mm longa, 6-8 mm lata. Stamina 5, ca. 2.5 mm longa. Ovarium laete viride. Styli 3, in ramos duos partiti, 2.5 mm longi parte connata 1 mm longa, basin versus albidi, apicem versus pallide rosei. Stigmata plana, subcuneiformia, rosacea, 0.5-1 mm longa, apice 0.5-1 mm lata, cuneatim fimbriata. Semina nigricantia, anguste ellipsoidea, basi breviter angustata, apice breviter acuminata, superficie foveolata. Floret aestate.
Home