Plantae 2 visae, erectae glabrae, ad 20 cm altae; rami primarii 5 mm diam., florentes cum flore ad 16 cm longi, 1.5-2 mm diam., internodiis 1.5-4 cm longis; folia ascendentia vel patentia, fere semiteretia, supra plana vel superne convexula, lat. visa prope apicem vix angustata, abrupte acuta vel obtusa vel oblique truncata, levia, subglauce viridia, ad 2.5 cm longa cum vagina 1 mm, 1.5-2 mm, vel rarissime ad 3 mm, lata diametroque; flores solitarii vel interdum 2-nati; pedunculi 3-4 cm longi, prope medium bracteati; receptaculum subclavatum, 7 mm longum, ad 6 mm diam.; sepala 5, exteriora ex infra medium superne angustata, acuminata, ad 9 mm longa, basi 4 mm lata, interiora ample marginata, ad 7 mm longa; petala exteriora 4-seriata, e medio inferne leviter angustata, obtusa, sat pallide pulcherrime rosea, nitentia, infra pallidiora, 1.8-2.3 cm longa, 1.5-2 mm lata, interiora 4-seriata, in staminodia transeuntia, 8-14 mm longa, 0.5-1 mm lata, intermedia cum interioribus erecta manentia, intima ad staminodia appressa; staminodia stamina conice conferta omnino occultantia eaque bene excedentia, pallide rosea vel alba; filamenta ca. 5-seriata, alba, exteriora basi tantum ciliate papillata, intima basi copiose papillata, papillis interdum roseis, antheris pollineque albis; ovarii lobi obtuse compressi, vix ad 1 mm elevati; stigmata 5, subulata, ad 3 mm longa cum cauda ad 1 mm longa.
Home