Fruticulus erectus glaber, ad 40 cm altus; rami saepius fere erecti, sat stricti, ad 6 mm diam., cuticula glauca vel novella glauca-rosea, internodiis saepius 2-3 cm longis; folia mox patentia, adulta saepe subdecurvata apicemque versus leviter sursum curvata, brevissime connata, lateraliter visa obtusa, inferne angustata, parum supra medium latissima, subcompressa, inconspicue carinata, supra plana, glauca, ad 3.2 cm, saepius 2.5-3 cm, longa, 6 mm lata, ad 7 mm diam.; flores 1-2-ternati, diurni, ad 4.4 cm diam.; leviter fragrantes odore Heliotropii; pedunculi medii ebracteati, 1-2 cm longi, laterales breviores; receptaculum turbinatum, apice 6 mm diam.; sepala 5, subaequilonga, in flore aperto omnia reflexa, 5-6 mm longa, 3 membrana lata brunnea onusta; petala 3-4 seriata, sat laxa, exteriora obtusa, interdum emarginata, purpureo-rosea, ad 1.8 cm longa, ad 2 mm lata, intima acuminata, 4-7 mm longa; stamina erecta, primum 2 mm diam., deinde extima patentia, ad petala adpressa, filamentis purpureis, brevissimis, vix ad 3 mm longis, interioribus medio dense papillatis, antheris pollineque aureis; discus annularis crenulatus atroviridis; ovarium 5-lobatum, lobis altis compressis distantibus itaque stellam formantibus; stigmata 5, anguste subulata acuminata, 2.5 mm longa.
Home