Frutex erectus, radice lignoso, ramoso; caulis erectus, 35-50 cm altus, ramosus; ramuli teretes, juniores suberecti, seniores ± deflexi; cortex primo viridis aut rubiginosus, dein canescenti-fuscus. Folia opposita subconnata, in apice ramorum conferta, distincta, primo erecta, dein incurvata aut recurvato-patentia, 20-40 mm longa, 2-5 mm lata, triangulata, apice in mucronulum parvum subattenuata, viridia, pellucide punctata. Flores terminales, solitarii vel terni, breviter pedunculati, ca. 15 mm diametro; calyx subturbinatus, quadri-aut quinquefidus, laciniis foliaceis, mucronatis; petala numerosa, rubro-lilacina, splendore metallico, pluriserialia, obtusiuscula; stamina numerosa, staminodiis albis apice rubicundis circumdata; filamenta albida; antherae flavae; ovarium obconicum supra convexum; styli 5 erecti, subulati, filamentis breviores, virides, margine undulati; capsula 5-locularis, inferna, obconica.
Home